1Sa 2 | ZomZIV | STEP | Tua ciangin Hannah in thungen a: “ TOPA sungah ka lungnuam hi; TOPA sungah ka ki kisangsak hi. Nangma hutkhiatna nuamsa ka hi manin ka galte tungah ka kamin ka kisial hi.

1 Samuel 2

Hannah Thungetna

1 Tua ciangin Hannah in thungen a: ^a

“TOPA sungah ka lungnuam hi;
TOPA sungah ka ki ^{▼▼2.1 Hih lai-ah ki pen thahatna lim, tg. 10 ah zong} kisangsak hi. ^c
Nangma hutkhiatna nuamsa ka hi manin
ka galte tungah ka kamin ka kisial hi.
2 “TOPA banga siangtho ^{▼▼2.2 Ahikeh Siangtho pa omlo} kuamah om lo a,
nang lo kuamah a om kei hi; ^e
eite Pasian bang Suangpi, kuamah a om kei hi. ^f
3 “Pasian ahi TOPA in thei a,
gamtatnate khaikak ahi manin ^g
kiphatsak paupau kei inla tua bang kisaktheihna
na kam pan gingkhiasak kei in. ^h
4 “Galhangte thalte kitan khina, ⁱ
a muktute’ ahileh thahatna tawh kithuam ta hi.
5 A gilvahte in an thalawh uh a,
a gilkialte gilvah ta uh hi.
Tasel numei in ta sagih nei-a,
ahi hangin tapa tampi a nei numei hingkiam hi. ^j
6 “TOPA in sisakin hingsak-a, ^k
hankhuk ^{▼▼2.6 Hebrew ah Sheol} ah puakin a thosak hi.
7 TOPA in zawngsakin hausak-a,
niamkhiatin a tawisang hi.
8 Mizawngte leivui panin phongto-a,
a tasamte vutbuakna pan lamto hi;
kumpi tapate tawhtukhawmsakin,
pahtawina tokhom a luahsak hi. ^m
“Leitung bulpite TOPA aa hi a;
tuate tungah leitung a nga hi. ⁿ
9 Amah’n a misiangte’ khe cing dinga, ^o
migilote ahileh khuamial lakah kidaicipsak ding hi.
“Thatang hatthu-in kigualzo lo hi;
10 TOPA a langpangte kitamzan ding hi. ^p
Amah in van panin kek khiat dinga; ^q
leimongte dongin TOPA in thu a khen ding hi. ^r
“Ama kumpipa tha guan dinga,
ama sathau nilhte’ ki tawisang ding hi,” a ci hi. ^s

11 Tua ciangin Ramah a, a inn ah Elkanah ciah-a, naupang in TOPA mai, siampi Eli khutnuai-ah na a sem hi.

A Tatsia Eli Tapate

12 Eli tapate mi tatsia hi uh a; TOPA a thusim kei uh hi. 13 Tu-in mi khatpeuh in biakna a piak ciangin siampipa in mite tawh a hihzia in, sa a kihuan laitakin siampipa’ nasempa sikkeu kathum nei khat tawi-in a va pai hi. 14 Amah in sikkeu-ka in sikbel hiam, bel liangnei hiam, belpi hiam, bel hiam khat sung sunsuk dinga sikkeu-ka-a, a baang peuhmah siampipa aa ahi hi. Shiloh ah a paito Israel-te khempeuh in hih bangin a bawl uh hi. 15 Ahi hangin a thaute a kihal ma nangawnin biakna a piapa kiangah siampipa nasempa pai-in, “Siampipa ading hankeu dingin sa pawlkhat hong pia in; amah in a kihuansa hong sang loin a sial bek hong sang ding hi,” a ci hi.

16 Tuapa in ama kiangah, “Athau kangtumsak masa in tua khit ciang na deih bangbangin la in,” a cih leh nasempa in, “Hi lo hi, tu mahmah in hong pia in. Ut in ut kei lecin ka la veve ding hi,” a ci hi.

17 Amaute ^{▼▼2.17 Ahikeh mite} in TOPA tunga biakna kipiate simmawhbawl uh ahi manin TOPA muhna ah tua khangnote mawhna a lian mahmah hi. ^u

18 Ahi hangin TOPA mai-ah Samuel in na a sem hi - naupangno in siampi puankang a silh hi. 19 A nu in kumsimin puantualno khuisak-a a pasal tawh kumcin biakpiakna bawl dingin a paitoh ciangin a puak hi. 20 Eli in Elkanah le a zi thupha pia-a, “Hih numei in ngen a TOPA tunga a piak pen mun luah dingin hih numei-panin TOPA in tate hong pia ta hen,” a ci hi. Tua ciangin inn ah a ciah uh hi. 21 Tuateh TOPA in Hannah hehpih a, amah gaii-in tanu nih le tapa thum a nei hi. Tua hun sungin naupang Samuel TOPA omna munah a khang hi. ^v

22 Tu-in a tek mahmah Eli in, Israel khempeuh tunga a tapate omzia le kikhopna buk konga nasem numeite tawh a lupkhawm nate uh a za hi. 23 Tua ciangin amaute kiangah, “Bang dingin tua banga gamta na hi uh hiam? Na gamtatsiate uh mi khempeuh tung panin ka za hi. 24 Hi kei, tapate aw, TOPA’ mite laka kizel ka zak thu hoih lo hi. 25 Midang khat tungah mi khat a mawh leh Pasian ^{▼▼2.25 Ahikeh tua thukhente} in palai sepsak thei hi; ahi zongin TOPA tungah mi khat a mawh leh kua in thumsak ding ahi hiam?” a ci hi. Amaute a kithah ding TOPA deihna ahi manin a tapate in a pa taina a ngai peuhmah kei uh hi.

26 Tua hi-a naupang Samuel a pumpi khangkhangin TOPA le mite maipha a ngah hi.

Eli Innkuante Langa Genkholhna

27 Tu-in Pasian mipa khat Eli kiangah pai-a, “TOPA thugen hih ahi hi, ‘Egypt a Pharaoh khut nuai-ah na pate uh innkuan a omlai-in amaute tungah kiciantakin kilaak hi lo ka hi hiam? 28 Keimah in ka siampi ding, ka biaknatau a kahto ding, gim-namtui hal ding le ka omna-a siampi puan a silh dingin Israel behte khempeuh panin na pa ka teel hi. Israel-te in mei-a hal biakna a piakte khempeuh zong na pate innkuanpihte ka pia hi. 29 Bang hangin kei hong kibiaknate le ka tenna munah piak dinga ka sehsate simmawh na ^{▼▼2.29 Hebrew ah a tam genna} hi hiam? Bang hangin ka mi Israel-te hong piaksa biakna limcipente tawh no le no kivakthau-in kei sangin na tapate pahtawizaw na hi hiam?’ ci hi. ^y

30 “Tua ahi ciangin TOPA, Israel Pasian, in; ‘Nang innkuanpihte le na pa innkuanpihte in ka mai-ah na na sem den ding uh hi,’ cikhia hi. Ahi hangin tu-in TOPA in, ‘Ahi peuhmah kei ding hi! Kei hong pahtawite ka pahtawi dinga, kei hong simmawhte ka neu-et ding hi. 31 Nang le na pa’ innkuante hatna ka khiap hun a tung ding hi, tua pen no innkuan gui-ah khangham a om loh nading le 32 ka tenna munah na lungdon nading uh ahi hi. Israel tungah na hoih kisem taleh na innkuan gui-ah ateek om ngei lo ding hi. 33 Ka biakna-tau pana ka khenkhiat loh ding note laka khat, na mit uh khitui in a tawsak ding, na lungsim uh a dahsak dinga kihawi hi a, note suante khempeuh a khansih ding uh hi.

34 “Tuateh na tapa nihte Hopni le Phinehas tunga piangte nang tungah lim ahi ding uh hi - amaute gel ni khat sungin a si ding uh hi. 35 Keimah mah in ka lungsima om ka ngaihsut bangin a sem ding siampi muanhuai khat ka khangsak ding hi. Ama inn kiptakin ka phut dinga ka sathau nilhpa mai-ah na a sem tawntung ding hi. 36 Tua ciangin na innkuan gui-a a omlaite pai-in a mai-ah nguntang khat le anlum khat ngenin kun ding uh a, “Ka nek ding uh an ka neih theih nadingun siampi zum mun khatah na hong semsak in,” ci-in a thum ding uh hi,’ ci hi,” a ci hi. ^z